Rapallo: canzone popolare

RAPALLO: canzone popolare
Versi di Giovanni Maggio, musica di Amilcare Piergiorgi.

Da Monte a Montepegi
e finn-a a San Martin
S’estendan de Rapallo
i vasti sêu confin
e son frazoin ridenti
San Chigo con Chignê
e Fêuzza e Santa Maia
e in pô ciû zû San Pê.

Rapallin! …..
ohê! …..
Rapallin, cantae con mî

Rapallo, Rapallo
che tutti a inamoa
se bella a l’ê aôa
ciû bella â saiâ
Rapallo, Rapallo
çittae da Madonna
de sêonni e de canti
da prinçipi e re.

 Ma no scordaeve miga
la bella San Michê
con Prelo Pùma e Trelo
a pâ na gran çittae
Seixêua e Cappelletta
San Rocco e San Michê
con Borzol e Costagûa
son tûtti i sêu Sestê.

Rapallin! ecc…

In mezzo ao mâ u castello
tra i schêuggi ben ciantôu
ai môuxiai pâ co digghe
m’ai stôto angusciôu
E quande u tûrco e u môu
da e Nagge u l’e spontôo
da Borzoi l’e sciortio
Maggiocco u bon pescôo

Rapallin! ecc…

 E donne de Rapallo
travàggian ao cuscin
e fabbrican pissetti
chi costan di scellin.
Tedeschi ingreixi e rûsci
ghe vêgne e americhen
si parlan tûtti a sèmme
i piggae pe tanti chên

Rapallin! ecc…

E canta u mâ de perle
de stelle brilla u sê
i fiori son fragranti
chi bella ciû de le?
Ma in çimma ao Montallegro
ghe a Reggia do splendôo
l’an faeta pâ Madonna
pe’ dîghe o grande amôo

Rapallin! ecc…


FacebookTwitterMore...

Sestiere Seglio Novembre 15, 2010 Cultura

, , , , ,